Ieu maitot !!!!

Ieu maitot !!!! http://ieumaitot.nireblog.com Thu, 02 Jul 2009 21:52:27 +0200 Ieu maitot !!!! http://static.nireblog.com/imagenes/logo.png http://ieumaitot.nireblog.com http://nireblog.com Fai tot petar miladiu ! http://ieumaitot.nireblog.com/post/2009/07/02/fai-tot-petar-miladiu http://ieumaitot.nireblog.com/post/2009/07/02/fai-tot-petar-miladiu Dempuei quauques jorns, avem, sus los panenus de Molins, la publicitat de 'na novela bevencha : l'Auvergnat Cola. Bon qu'es un cola, coma sembla au Pepsi e tròbe pas la genciana dedins... Disen que ne'n i a mas bon... Çò qu'es plasent es de veire en gròssas letras de l'occitan sus 'queu paneu. Perque l'eslogan de 'quela marca es : Fai tot petar miladiu ! E que s'auva maitot dins la pub per la tele !

]]> Thu, 02 Jul 2009 21:02:38 +0200 L'i vau o l'i vau pas ? http://ieumaitot.nireblog.com/post/2009/06/24/li-vau-o-li-vau-pas http://ieumaitot.nireblog.com/post/2009/06/24/li-vau-o-li-vau-pas 'Na blogaira força coneguda m'a demandat de me marcar a 'na formacion (perque es 'na formacion ggeeenniiaaalllla... enfin, qu'es çò que ditz...) : la licéncia d'occitan per correspondéncia de l'universitat Paul Valéry de Montpelhier. Sabe que i a daus blogaires que l'i son marcats. Setz contents de 'quela formacion ? N'i pas tròp de trabalh per quauqu'un qu'a 'na vita professionala (lo prumier que me ditz qu'aurai lo temps perque trabalhe a l'equipament !!!!) ??? L'i vau o l'i vau pas ???

]]> Wed, 24 Jun 2009 10:05:27 +0200 Loudun en Itàlia http://ieumaitot.nireblog.com/post/2009/06/11/loudun-en-italia http://ieumaitot.nireblog.com/post/2009/06/11/loudun-en-italia Char legidor italian, occitan d'Itàlia o viatjador que passariá per 'quela peninsula, t'infòrme de la surtida en Itàlia de Loudun, la BD de l'amic Paolo, chas Edizioni BD. Un plan brava BD que parla de çò que se passet a Loudun en 1634. Bon... qu'es pas un libre per los dròlles tot parier... Mas, qu'es istòric ! En França, era surtida chas Soleil.

Comments

]]> Thu, 11 Jun 2009 23:20:10 +0200 Jaurés e lo FN http://ieumaitot.nireblog.com/post/2009/06/04/jaures-e-lo-fn http://ieumaitot.nireblog.com/post/2009/06/04/jaures-e-lo-fn 'Na p'ita ficha facha par un amic... De tot biais, sei pas segur que
lo Jaurés plai aus militants dau FN !!! Son assassin benleu...

Comments

]]> Thu, 04 Jun 2009 10:37:30 +0200 Trobadors d'acier http://ieumaitot.nireblog.com/post/2009/05/26/trobadors-dacier http://ieumaitot.nireblog.com/post/2009/05/26/trobadors-dacier En tut me permenar sus Lastfm , ai fach 'na descuberta de las bravas. Daus trobadors d'acier ! Nos venen d'Itàlia, de la famosas valadas occitanas. E... aime pas dau tot ! Mas, coma sei un garçon plan gente, e que quò plairá a mas legidoras, vos los presente. De qualas legidoras vòle parlar ? Mas de las fòrça simpaticas dròllas de l'Occitan Leopard Crew. De las dròllas que cosen, que bròchen, que bròden e... qu'escoten dau punk rock !!!

Veiqui dròllas ! Per v'autras ! 'Na video dau Quinse, los trobadors d'acier de las valadas ! E per telecharjar a gratis lor darrier (e benleu prumier) disc es aquí !!

]]> Tue, 26 May 2009 20:51:58 +0200 La pechona vielha http://ieumaitot.nireblog.com/post/2009/05/25/la-pechona-vielha http://ieumaitot.nireblog.com/post/2009/05/25/la-pechona-vielha 'Na p'ita nhòrla en nòrd-occitan aupenc. Lo prupchen còp que fas tombar l'aiga, char legidor mascle, mesfia-te de la p'ita vielha !!!

Una pechona vielha chaminava per charrièra tirassant doas sachas de bordilha gròssas, una dins chasca man.

L'una de las sachas èra traucaa e, de temps en quora, un bilhet de cent euros se'n eschapava e tombava au mitan de la charrièra.

Veient aquò, un policier l'aresta e li dis :
- "O, Dòna, bilhets de cent euros tomban d'aquèla sacha !
- "Mercé de me'n avisar, dis la pechona vielha. Me chau tornar recuperar aquestos bilhets. Encara mercé !
- "Un momenton, pas tant lèu !" fai lo policier : "D'onte sortissetz tot aquest argent ? L'avetz volat ! ?
- "O non !" responde la pechona vielha. "Vaquí ! lo terren qu'es darrier l'ostau serve d'estacionament a l'estadi de foot e, chasque còp que se joa e que los espectators vòlon eschampar d'aiga davant de dintrar o en sortissent de l'estadi, s'arestan davant aquestos aubrilhons que bordan ma maison e eschampan d'aiga sus las flors qu'avieu semenaas. Alora, m'escondo darrier los aubrilhons amb un parèu de cisèus e chasque còp que quauqu'un sorte son instrument per eschampar d'aiga, li diso : Dona-me cent euros o te lo copo !
- "Es pas una marria idea, d'aquela !" dis lo policier. "Alora, bòn astre !... Mas, disetz-me... que i a dins l'autra sacha ?
- "A ben !" responde la vielha, "sabetz, paian pas totes !"

Comments

]]> Mon, 25 May 2009 12:58:19 +0200 Vacanças au País Basc http://ieumaitot.nireblog.com/post/2009/05/11/vacancas-au-pais-basc http://ieumaitot.nireblog.com/post/2009/05/11/vacancas-au-pais-basc Tòrne de mas vacanças au País Basc. Un plan brave país, un retorn a la terra daus aujòus mairaus qu'eran dau Labord. 'Na terra plan descomplexada de sa lenga mai de sa cultura. 'Quela setmana, i a 'gut un acòrd entre Seaska e l'Educacion Nacionala : onze regents de mai per las ikastolak. Normau. N'i ne'n a quasi una per vilatge. E lo monde parlen basc dins las ruas, au subremerchat, au restaurant, … 'Laidonc, lo bilingüisme seriá possible en territòri jacobin ? Oc-es. Emb daus braves panues bilingües. Perque pas en cò nòstre ? Mas faudrá èsser tenace, perserverant... e parlar occitan, tot lo temps. Te, legidor, que me coneis dins la vita vertadiera, me parle pus en frances ! Benleu, nos faudrá nos forçar per zo far. Mas, los basques zo fan. E sem pas mai (ni mens) colhons qu'ilhs !!

]]> Mon, 11 May 2009 09:41:54 +0200 Un còp de mai http://ieumaitot.nireblog.com/post/2009/04/27/un-cop-de-mai http://ieumaitot.nireblog.com/post/2009/04/27/un-cop-de-mai
Tu puras, un còp de mai,
sus lo trepador.
Sei partit. Quand tornarai ?

]]> Mon, 27 Apr 2009 13:02:42 +0200 Plueja provençala http://ieumaitot.nireblog.com/post/2009/04/03/plueja-provencala http://ieumaitot.nireblog.com/post/2009/04/03/plueja-provencala Char lector, te vòle perpausar un ptit juec. La setmana que ven, sei a z-Ais de Provença. E quand l'i vau, n'i a totjorn de la plueja. 'Laidonc, te vòle demandar ton eivis : plueja o pas ? Botarai lo resultat, enfin, lo temps que fai en comentaris. Char lector, a ta granolha !!!

]]> Fri, 03 Apr 2009 13:25:25 +0200 Framboisas http://ieumaitot.nireblog.com/post/2009/03/27/framboisas http://ieumaitot.nireblog.com/post/2009/03/27/framboisas La veitura fila dins la nuech. La p'ita duerm a l'arrier. Tièrri es content. Se tòrna trobar coma sa filha. A passat temps dempuei que se vigueren tots dos. Eu la vei pas suvent dempuei son divòrci. Eu la vesiá pas suvent davant tanpauc. Per causa de son trabalh. Aura, Amàlia viu coma sa mair, Florença. Quò es la prumiera dimenjada que passen ensems. Eu la vòu menar luenh de la granda vila, dins lo país de son còr, chas sa granda.

La paubra vielha muriguet quauquas annadas davant la naissença d'Amàlia. Sa mòrt li ne'n balhet, au Tièrri. 'La representava beucòp per se. Eu passet sas vacanças chas ela, a descubrir la campanha, la natura. A descubrir son país, sas raiç. Aura, a mas Amàlia dins sa vita. Mai son trabalh. Eu li voldriá balhar l'amor de 'queu país. Passen lo paneu País d'Òc. Seràn tòst 'ribats.

Lo solelh ràia dins lo ciau. Tièrri e Amàlia son dins lo vargier. 'La galopa de pertot en tut rire. Tièrri se 'pruesma daus framboisiers. Son plen de fruchas. Se 'sieta e las comença de minjar. 'Las son redondas sus la lenga. Lo perfum sucrat envasís sa gòrja. Eu li sembla que sa granda es 'quí. Li sembla l'auvir dire : "Pitit chavecha ! Son bonas mas framboisas ?"

'Na credada. Tièrri se vira e vei Amàlia rasís lo potz. 'Na man ossosa la ten per los piaus. D'un còp, sosleva la p'ita que desapareis. "Te l'aviá pas dich,ta granda, que se faliá pas 'pruesmar dau potz ?" La votz cavernosa s'estripa de rire.

]]> Fri, 27 Mar 2009 10:04:00 +0200 FestiBD http://ieumaitot.nireblog.com/post/2009/03/20/festibd http://ieumaitot.nireblog.com/post/2009/03/20/festibd

La dimenjada passada, i aviá lo festenau de BD de Molins : FestiBD. 'Na quarantena d'autors vengueren dins la capitala borbonesa per presentar lor trabalh e far de la dedicaças. Lo public fuguet plan present. Fuguei un daus benevòles emai participei a la jurada dau festenau. Balherem cinq premis :

- melhor album de l'annada a Laurent Libessart per Sphères
- melhor scenari a Sualzo per L'improvisateur
- melhor prumier album a Nicolas Sure per Neverland
- premi de l'illustracion Tatiana Domas per Le secret des lutins
- premi speciau de la jurada a Paolo Armitano per Loudun, qu'aponderem perque quela BD era dins totas las discussions sens 'ribar a la prumiera plaça per un premi.

La qualitat dau trabalh grafic, l'ambient creat per lo negre mai lo roge, deviá esser recompensat.Lo conselh generau daus jòunes de l'Alier balhet lo premi jounessa a Mathilde Domecq per Basile et Melba. Me, auriá volgut balhar un premi a la Soph' per son Ze plus beau métier du monde mas son trabalh plasiá pas a 'na partida de la jurada.

'Queu festenau fuguet per me l'enchaison de rescontrar daus autors que coneissiá pas (Niko Henrichon, Laurent Libessart, Sti, Tarek, Arnoux, Tatiana Domas, Sualzo, Paolo Arminato, Amandine, Tomatias, Batist, Tota, Kraehn, ...) coma d'autres que segue dempuei d'annadas (Caritte e Druilhe). Tots fugueren plan simpatics e passeren daus moments daus grands a taula coma apres, a l'open bar de l'ostalariá.

Un grand merces a tots 'quilhs autors mai aus autres benevòles per 'quela subredimenjada quitament se parlen pas occitan e que van pas comprener mon texte...

]]> Fri, 20 Mar 2009 10:54:24 +0200 A Sant-Marcèl... http://ieumaitot.nireblog.com/post/2009/03/10/a-sant-marcel http://ieumaitot.nireblog.com/post/2009/03/10/a-sant-marcel Veiquí un pitit strip en occitan que lo Laurenç a fach per la Darboneta mai me... M'a plan far rire !!!!!!!!! Mas aura, me mesfiarai de las audencas mai de la Darboneta !!!!!!!!!

A Sant-Marcèl, las filhas polidas an pas de pel a l’uèlh...

]]> Tue, 10 Mar 2009 11:44:10 +0200 Mejauvença http://ieumaitot.nireblog.com/post/2009/03/02/mejauvenca http://ieumaitot.nireblog.com/post/2009/03/02/mejauvenca Ier, 'ribei a z-Ais de Provença per 'na formacion. La Provença. Lo solelh, la chalor, los braves païsatges... E ben, tot 'quò, qu'es de las conarias per torista ! Qu'es lo segond còp que vene a z-Ais. E quò plòu d'enguera !!! E plòu que te plòu ! Pas de solelh, pas de chalor ! Lo centre de formacion es dins 'na brava zòna industriala. Lo Carrefour de z-Ais sembla a lo de Créteil Soleil. Tot çò qu'òm aviá dich era meissongier. O ben qu'es la mejauvença. Bon. M'arreste 'quí. Lo solelh ràia darrier las nivols.

]]> Mon, 02 Mar 2009 18:25:16 +0200 Responsa a l'Andriu http://ieumaitot.nireblog.com/post/2009/02/24/responsa-a-landriu http://ieumaitot.nireblog.com/post/2009/02/24/responsa-a-landriu Dins l'editoriau de la Setmana n°696, l'Andriu de Gavaudan nos balhet sa vuda sus los blògs occitans. Li voldriá rendre responsa perque lo trobei un pauc dur coma n'autres. Eu nos disset que mai d'un blòg occitan se barra dins sa p'ita nacion e nos tòrna vers l'eidéia de l'existéncia de las lengas d'òc.

Qu'es benleu lo cas de quauques blògs gascons. Quò mostra lo dinamisme dau mitan gasconista sus l'Internet. Veirem ben la quala de las doas opcions serà mai eficaça per la lenga e la cultura nòstras. Demai, beucòp de blògs aranes son virats vers l'Aran, la Catalonha mai l'Espanha sens sentiment panoccitan. Quò mostra que los aranes an benleu pas d'enguera consciéncia de lor apertenéncia ad un 'nivers culturau mai grand que lor vau. Quò me pareis normau perque Occitània es pas pro fòrta nimai presenta en Euròpa per los permetre de s'identificar ad ela. Quela identificacion a sa p'ita nacion, a son dialecte, la vese pas per d'autras regions occitanas. Los blògs lemosins, lengadocians o provençaus que coneisse son pas entau.

Eu nos disset tanben que los blogaires qu'aprenen la lenga van tròp regde. Quatre mots d'occitans lor son sufisents per far un blòg. Emai apòrten pas grand chausa, enoncien pas d'eidéia. De segur. Mas los blògs occitans son coma los dins las autras lengas dau monde : sierven d'en prumier de liam sociau dins 'na societat fòrça individualista. Son lo mejan d'expression daus dròlles dau monde per parlar d'amistat, d'amor, de ren d'important per los beus. Quantben de fòtos emb lo comentari « Té tro belle ma chéri, j'te kiffe grave !!!! » Coma los beus, trobem lo jornau intime public. La terapiá de grope virtuala. Qu'es quò l'essenciau daus blògs. N'i a tanben los blògs politics, propagandistas, de pensaments sus lo monde. N'i a pas tant. Los blògs coma los dau Bloguitge son entau. Mas an 'na caracteristica mai. Son suvent escrichs per de monde que mestrejen pas la lenga. Perque ? Perque aprener 'na lenga implica son usança e que l'Internet es un dau melhor mejan per trobar un interlocutor. La lenga d'òc es mens clandestina sus lo web que dins la vita vitanta. Abitant de Limòtges, utilize mai l'occitan sus Internet que non pas dins ma vita quotidiana. Qu'es pas 'cepte de parlar occitan dins lo quite mitan occitanista.

De segur, la lenga d'un aprenaire es pas perfacha. Nos fau corregir. Mas lo monde que coneisse, lo monde dau Bloguitge, son dau monde onestes, qu'an la volontat d'aprener la lenga per la far viure. Fau prener 'quilhs blògs coma un otis pedagogic, per de la gent qu'an pas beucòp d'autres mejans per utilizar los occitan.

]]> Tue, 24 Feb 2009 14:05:58 +0200 Ciutadan d'Onor http://ieumaitot.nireblog.com/post/2009/02/02/ciutadan-donor http://ieumaitot.nireblog.com/post/2009/02/02/ciutadan-donor Dissabdes, fuguei a la dictada occitana, coma beucòp de monde en Occitània mai en los País Catalans. Era la prumiera a Limòtges. Avem 'gut un texte de Roland Berland, un autor lemosin que me platz beucòp. Veiquí 'na pita video de França 3 Lemosin a perpaus de quel eveniment (los qu'an de bons uelhs nos poden veire, lo Tiston mai me).

Dictada occitana Limotges 2009
mandat per tiston

A la fin de la dictada, chascun aguet un brave diplòma de participacion que se 'chaba entau : "Au nom de l'amistat entre nòstres país e per l'amor de nòstras lengas, li balham lo titol de Ciutadan d'Onor d'Occitània e de Catalonha." Oc-es, sei ciutadan d'onor !!! Sabe pas si quò permet de passar de las vacanças a gratis sus las costas catalanas...

]]> Mon, 02 Feb 2009 23:25:44 +0200 Chiquí-Chiquí http://ieumaitot.nireblog.com/post/2009/01/29/chiqu-chiqu http://ieumaitot.nireblog.com/post/2009/01/29/chiqu-chiqu Veiquí 'na chançon de la bona, que t'as benleu vist sus M6 (si tu ses en França) la nuech, plan tard o ben sus TVE (si tu ses en Espanha). Te la perpause en doas version : oficiala e catalana. A quand la version occitana ??????? Creses que lo dança lo Paco Boya ? Mai lo Jòrdi Frêche ?

]]> Thu, 29 Jan 2009 23:42:37 +0200 Bona annada ! http://ieumaitot.nireblog.com/post/2009/01/10/bona-annada http://ieumaitot.nireblog.com/post/2009/01/10/bona-annada

Bon, la bona resolucion de l'annada 2009 : far un postatge per setmana sus 'queu blòg...

]]> Sat, 10 Jan 2009 17:37:32 +0200 Bon Nadau ! http://ieumaitot.nireblog.com/post/2008/12/22/bon-nadau http://ieumaitot.nireblog.com/post/2008/12/22/bon-nadau Char lector, es leu Nadau. 'Laidonc, te soate un bon Nadau ! Espere que lo Pair Nadau te portarà tot plen de braves presents. Enfin, si t'es estat gente...

]]> Mon, 22 Dec 2008 03:01:17 +0200 Lo questionari coquinassonet http://ieumaitot.nireblog.com/post/2008/12/10/lo-questionari-coquinassonet http://ieumaitot.nireblog.com/post/2008/12/10/lo-questionari-coquinassonet Bon, la Melania me tornet dire : fau escriure daus messatges sus un blòg. Emai quand tu ses un dau creator dau Bloguitge. 'Laidonc, per far plaser a nòstra rock star de l'internet occitan, vau respondre a son questionari coquinassonet.

Si j'étais un slip: de las malinas que son pas mai sus ma mia...

si j'étais un sextoy: un canard !!!!! Sabes, lo pitit canard rosseu per los nenets !!!

Si j'étais un fantasme: metre de la confitura de framboisa de pertot sus ma mia... E apres, la lechar !!!!!!

Faire l'amour avec un animal: paura bestia...

Si je devais te dire quelque chose pendant qu'on fait l'amour:
Tu vo'es mai de confitura de framboisa sus lo còrs ?

Si j'étais Clara Morgane avec mon cerveau actuel:
'Plantarai la chançon e tornarai au pornò !!!!

Si j'étais une zone érogène: lo nas (oc-es, sei sensible de las extremitats...)

Si j'étais un détail irrésistible: un brave sorire

Si j'avais une morale sexuelle: ai totjorn lo morau quand bique !!

Si je me réveillais demain sans vagin ni pénis: Espere plan me revelhar sens vagin deman mandin... Sens viech, quò serà pas 'cepte per far tombar l'aiga !!!!

Bon, fau far virar, coma disen los jòunes. Espere las responsas dau Marçau mai dau collectiu Occitània Leopard Crew...

]]> Wed, 10 Dec 2008 00:08:33 +0200 diga Janeta http://ieumaitot.nireblog.com/post/2008/10/29/diga-janeta http://ieumaitot.nireblog.com/post/2008/10/29/diga-janeta Veiqui 'na version provençala mai decalada d'un estandard trad occitan : Diga Janeta per Laids Crétins des Alpes (plan v-òrres mai plan bestias !!!).

]]> Wed, 29 Oct 2008 00:45:45 +0200