La setmana passada, fuguei au concert dau Duo Gansch – Breinschmid a Limòtges. Un duò trompeta-contrabassa daus bons. 'Na musica jazzy, vienesa mais balcanica mas subretot daus musicians franc fadards ! Qu'era geniau !
Thomas Gansch nos aprenguei 'n'expression de chas se, dins son dialecte alemand d'Àustria : i schiff an Igl mit Dauerwelln. Qu'es 'n'expression d'utilizar quand tu ses susprés, estonat coma quand tu veses las p... euh... los pès de Melania per lo prumier còp, lo darrier chamison MXL87 o la darriera creacion de l'OCLC. La revirada en anglés facha per Georg Breinschmid es : I pee a hedgehog with longlasting waves. Quò balha en occitan : pisse un eiriçon emb una permanenta. Oc-es. Qu'es delicat, rafinat. Son entau los Vienés ! Ne'n fagueren 'na chançon, e vei-la-quí !
Crese que me la vau gardar 'quela expression. « Fuec de Diu ! Sei 'nat a un concert, ier, a ne'n pissar un eiriçon emb un permanenta ! » Qu'es çò qu'auriá pogut dire Coincoin, la canetona lemosina auboissaira, qu'es 'nat veire lo concert dau Mnozil Brass, ente juega Gansch (de legir son rendut-compte sus son blògue).
digg it
del.icio.us
Quanta star aquela Mela, amai quand nos vira lo cuol pendent 3 o 4 meses (au mens), se'n parla sus la tela !
Oc-es, qu'es lo web-sex-symbol d'Occitània... Un jorn un tipe farà dau coloriatge sus de las fòtos de sos pes e vendrà plan conegut !
e ò, soi aquí, tornada.
Maime, quora me potonaràs los pès?
Aprep verificacion dins Das österreichische Deutsch, lo verbe "schiffen" vòu ben dire "pissar" e pas "cagar" coma l'avian dich pendent lo concert... Ai fach la correccion !
@ Mela : si ai de la bonas nòtas a ma licéncia... :oP
As maubarrat 'na porta HTML perqué ton sit es sus 3 paginas ; benleu quante as botat lo code dau Babeliò ?
afé, ai totjorn trobat lo HTML mens aisat que pissar un eiriçonet ;-)