'Na blogaira força coneguda m'a demandat de me marcar a 'na formacion (perque es 'na formacion ggeeenniiaaalllla... enfin, qu'es çò que ditz...) : la licéncia d'occitan per correspondéncia de l'universitat Paul Valéry de Montpelhier. Sabe que i a daus blogaires que l'i son marcats. Setz contents de 'quela formacion ? N'i pas tròp de trabalh per quauqu'un qu'a 'na vita professionala (lo prumier que me ditz qu'aurai lo temps perque trabalhe a l'equipament !!!!) ??? L'i vau o l'i vau pas ???
Qual(a) soi
- Be... sei ieu ! E òc-es ! Qu'es entau, qu'es pas autrament :oP
Categorias
Sindicar o Associar
digg it
del.icio.us
Reçauguei tot plen de prèmis !! Dau Jan Peire, dau Joan mai d'una domaisela catalana...
Club de Fans Paco Boya
Conselh amistós de lectura
De causas e d'autras
Einucent’s Weblog
Engambi !
eth gat-esquiro
Fotografias e mei…
Franca-Comtat ===> Occitània
Ieu maitot !!!!
L'Apero
La cabra e lo lop
la darboniera
La marrida vida
lo blog de Faidit
Lo blòg deu Joan
Lo blog MXL87
Lo / Eth blòg d'un gascon
LO PAÍS
lo parpalhon vagamond
Lou Tam Tam
magnòlia en mà
Marçau Peyrouny
Ma vida amb ieu
Mescladis e còps de gula
Occitània Leopard Crew
Paraulas perdudas
Plumizero life
Poyyât en noir & en couleur
Resson d’Oc
Sens títol
TERRAS D'OC
"Tu cala-te siás pas d'aquí !"
Un jorn t’i tornaràs far !
un blòg de mai
La sciença dins la lenga nòstra
No perdem el nord
Blog d’un golhat d’a Tivier en Peirigòrd
Chabrot-land
Le blog de Jòrdi d’Olmières
Chichoà en barraqueta
Vesitatz Charrada
Adiu,
i vas pas, van te prendre ta moneda e jamai ren enviar.
Ai 'n'amija qu'a vougut tornar prendre daus cors per la Pòsta. Lo chèc 'na vetz encaissat, ren, p'unas novelas. 'La es en garolha desempuei una annada. Mas quò es benleu desparrier per los occitans.
Ieu i soi. E te dise : i te cal anar !
Adieu,
Desencusa me, ai un problèma amb los comentaris del mieu blòg (son esconduts !). Doncas, ma responsa es un pauc tardièra ! Ai ja mandat d'entresenhas a d'estudiants que trantalhan de se marcar en licéncia.
Ieu, coma i es marcat, soi pas originari d'una region occitana (de Besançon, en Franca-Comtat) e comencèri d'aprene la lenga fa 3-4 ans solet amb de libres. Doncas, aviái pas un nivèl naut a la debuta de ma primièra annada.
Per l'òbra de far, aquò depend de mantun ponch. Ja, vist ton blòg, as de coneissenças en occitan e una practica de la lenga. Tocant la quantitat de trabalh, aquò ne depend ja un pauc. De mai, se siás motivat e que l'occitan t'agrade, serà mai aisit per tu. I a pas cap d'obligacion de mandar de devers als professors (e mai siá conselhat e encoratjat plan segur) levat per los que son notats. En literatura, es demandat de legir de libres e de far de fichas de lectura. Un autre exemple, en practica moderna (amb Melania), aviam de crear un blòg e d'escriure un article cada setmana (aquò's ja fach!).
Lo trabalh es mai que mai personal per la preparacion als parcials. Los professors son disponibles per corrièl per donar d'entresenhas, ajudar e respondre a las questions. De mon vejaire, lo mai important es de plan legir los corses e los libres demandats.
Aquesta annada, per la segonda annada, comencèri de trabalhar a temps plen dempuèi Decembre. Pensi vertadièrament qu'es possible de la far a costat d'una autra activitat amb un pauc de vòia e un gost per l'occitan.
A distància, totes los corses son disponibles sus Internet, sus un portalh (qu'es aqui : karolus.univ-montp3.fr/). Los deves estampar (o los legir sus l'ordenador mas es pas fòrça agradiu !).
Vaqui ! Trantalhes pas de me mandar un mail se vòs mai d'informacion o s'as de questions !
A lèu,
Amistosament,
Alex