Questa nuech, decidei de crear un malhum de blògs occitans, un pauc coma lo malhum daus freemen : chade blogaire bota la lista daus autres sus son blòg. Entau los cerchadors coma Google o los sites coma Tecnorati te fan montar dins lor classament. Quò faria mai de buzz occitan sus lo web. Emai quò nos permetra de coneisser d'autres blogaires occitan.
Trobei un nom : lo Bloguitge. Los felibres an lo Felibritge, los blogaires auran lo Bloguitge. Bon, sei de consent, lo nom es purit. Char lector, si t'as 'n'idéia melhor, balha-me-la !!!
Ecriguei 'na charta :
1) Volem defendre e difusir la lenga occitana en l'utilizar sus l'Internet per parlar de tot.
2) Volem participar a la construccion de la civilizacion occitana, eiretiera daus trobadors, dau Felibritge e de la cultura populara per portar a la civilizacion umana mondiala nòstra votz, nòstra vesença originala.
Zo sabe, fai pensar a dau Felix-Marcel Castan. Pertant, questa nuech, beguei pas ren, fumei pas ren.
Per participar au malhum, fau esser de consent emb la charta, zo dire sus son blòg, botar tos los liams daus autres e se marcar (perque los autres te boten sus lor blòg). Òm se marca 'quí : Malhum de blògs occitans.
Per lo moment, nos sem dos. Qu'es pas mau, lo Bloguitge exista mas dempuei quauquas minutas...
Veiqui los blogaires dau Bloguitge :
digg it
del.icio.us
Quina bona idèia ! Pòdi participar ?
Que m'i apunti, plan segur!
Pasha, i auriá pas mejan de crear una pagina web "bloguitge" on e apareisserian los titols deus blògs "aderents" a mesura que sián actualizats, exactament coma "www.blocairesdelspireneus.com"? Es ben pratic, aquò. O fariái se saupèssi coma far!
Correccion:
www.blocairesdelpirineu.com
Fòrça bona idea :) Espèri una longa vida au Bloguitge :)