Veiqui un reportatge d'Infòc (Barcelona TV) sus la constitucion d'una academia per la lenga occitana. En esperar que nòstres academicians siran mens colhons que los frances... enfin, quò deuriá esser plan 'cepte, la França a los academicians los mai colhons dau monde !!!!
Qual(a) soi
- Be... sei ieu ! E òc-es ! Qu'es entau, qu'es pas autrament :oP
digg it
del.icio.us
Aranés, lengua oficiau en tota Occitània !!! Pro de dialectes, visca era lengua occitana !!! Ja oficiau a Catalonha, mos cau imposar-la en Occitània coma lengua oficiau! UNITAT!!!!
Sei pas plan segur que l'occitan aranes sia lo dialecte officiau en Catalonha tota. An decidit o pas ? Apres, l'aranes es un dialecte pro loenh daus dialectes dau Nòrd... Lo Pierre Bec pensava a 'n'estandardizacion en tres dialectes : gascon, sud-occitan (lengadocian) e nòrd-est occitan (nòrd-occitan mai lo provençau). Enfin, quò sira un trabalh plan long, d'estandardizacion mai de desvelopament. Bon coratge a nòstres academicians !!!
òc, la lenga aranesa (occitan de la val d'Aran) es la fòrma oficiala de l'occitan a Catalonha. Me pensi efectivament que la tasca d'academician occitan es totalament incompatibla amb lo dògme d'occitan lenga unica. Cal èsser realista. Los de la lenga d'oil l'an plan comprés. Los Occitans son en retard.
Si l'academia accepta l'idea de lengas multiplas (en sens de nòrmas multiplas), lo problema serà circonscrit a l'airal gascon. Per çò que soi pas convençut que los gascons, en dèfòra deus grop dialectal sud-est (comenges e conserans), sian prestes d'acceptar l'aranés coma nòrma. Doncas acabarem amb doas lengas gasconas se res bolega pas. Es inacceptable.