Reçauguei dau Jan-Peire un premi. Un premi solidari. 'Na sòrta de spéciale dédicaces per los autres blògaires mai per los lectors. Me demandet : ne'n as tu, mon pitit, de las spéciales dédicaces de far ? Oc-es, ieu maitot, ne'n ai de far.
Comence per 'queu qui me metet dins 'quel engranatge terrifiant dau premi solidari. Lo Jan-Peire, tan rapieta coma clafotis, chivalièr de la rampeta. Bèth chivalièr, de segur, qui partitz tà la guerra. Mai te legisse, mai descubre ton univers, tos combats, daus còps los meus, mai te vòle rescontrar. Lo prupchen còp que venes a Limòtges, ditz-me-lo e 'nirem tornar far lo monde davant quauquas bevenchas.
Contunhe per 'quela Mela que me faguet descubrir lo blòg en occitan emai que la grafia SMS se pòt adaptar a la lenga nòstra. Cerchave coma escotar Radio Lenga d'Òc sus Internet. Trobei pas lo liam. Trobei ton blòg. Trobei 'na femna sensibla, plena d'umor, lo cuòu entre dos versants de las Pirineus. Longtemps, fugueres nonmas dos pes per ieu. Era avant l'estiu passat. Aura, ses tanben un risolet. Te deve totjorn un Beuk Cola sus l'estand de Gardarem la Terra.
Oblude pas un autre Jan-Peire. Lo Cavaillé e sos còps de gula. Un blòg important, necessari. Un trabalh de reflexion, un trabalh de recercha maitot coma sus Ponticauds.org. Merces per tot 'quò. Merces per ta participacion au Forum Sociau Lemosin en 2005. E merces per lo restò a Besièrs en 2007 !!!
Acabi per un tipe qui n'ei pas un blògaire. Lo Tederic Merger. Que hè un tribalh de recèrca, d'animacion formidable sus Gasconha dab lo son sit Gasconha.com e la soa lista G(V)asconha Doman. Que'm hasó descubrir los ligams entre la cultura gascona e la cultura basca. Un pont entre Occitània e Euskal Herria. Que't esperi tornar veser a Bordèu o alhors.
digg it
del.icio.us
Mercé mossur!
Los pès, lo cuol, lo risolet... E la vista d'ensems macarel, de k ne fas?
Totjorn ok per anar prene un BerkCola :)
Finala, soi ieu que t'ai iniciat oaf oaf oaf .
Besonh de kikòm mai?
;)
La vista d'ensems es pas meschaenta dau tot :o)
Bon, espere te l'ofrir 'queu beuk cola, a l'Estivada benleu ? Bon, ok, fau pas que t'aias set avant... ;o)
E per lo moment, quò vai, ai mestier de ren... sustot pas d'iniciacion aus sextoys !!!! Aura que sabe que ses 'n'especialista :oPPP
Ah! Mas me sembla que li fa lo tresen prèmi a la nòstra Mela nacionala. Plan merescut. A tu t'a fait un comentari au mens. Ieu l'espèri encara (l'espèr fa viure e soi pas pressat). En tot cas, me sembla qu' es bon signe. S'acostuma pauc a pauquet. La règla deu Prèmi Blòg Solidari prevei que lo qu'a ganhat ne pòt designar dusca sèt autres.
E lo Tederic! Ah, lo Tederic! Qu'as arrason, paisha! Lo Teddy, qu'ei un gran deus grans! Qu'ei pecat vertadèr que non sia pas blogaire !!!! Que sap perfèitament manejar lo gascon...Tederic, si me léges, tà't pregar, qu'avem besonh de mes blogaires en lenga gascona! Lavetz, qué ès a esperar, macarèu?
Adiu e mercé,
ai ben notat per la prochenna vetz que vene a Limòtges, lo monde a que ben se tenir.