Ieu maitot !!!!

Catalonha es d'organizar son territòri en vigariás coma simbòu de son particularisme dins 'n'Espanha organizada en províncias. La Vau d'Aran deuria èsser integrada a la vigariá de las Pireneus-Nautas. Per lo sindic d'Aran, Paco Boya, qu'es pas acceptable. Li sembla qu'es la mesma chausa que l'annexion de la vau a la província de Lheida en 1833 per lo poder espanhòu.

Pertant, dins l'encastre de l'autonomia catalana, Aran aviá recuperat de las institucions pròpias, un estatut per sa lenga e de las relacions bilateralas emb la Generalitat de Catalonha. Boya parla de far valer los drechs istorics de la vau a Madrid o quitament de demandar l'independéncia.

Quel afar pausa lo problema de l'estatut de queu territòri e de son apartenéncia a Occitània pusleu qu'a Catalonha. La drecha aranesa ne'n aprofiecha per jugar Madrid contra Barcelona e s'opausar au govern catalanista de la Generalitat, coma l'expliqua Farri. La gaucha aranesa se copa de la gaucha catalana. Mas degun vira la testa vers lo Nòrd, vers lo demain d'Occitània, coma zo jos-linha lo movement Libertat. Emai en Occitània granda, dins lo quite mitan occitanista politic, degun se'n preocupa. Quala surtida per quela crisi ? La creacion d'una vigariá aranesa ? D'un comunautat autonòma coma zo demanda Iniciativa per Occitània dins son manifeste ?

Peticion en linha : Aran non vòu èster en cap vegueria !

Ai pas la solucion mas me sembla plan important qu'Aran ne'n aprofieche per s'afirmar coma realitat politica occitana.

Oc-es... Nique la France que pensa que lo colonialisme a 'gut un ròtle positiu, Nique la France que confond identitat nacionala e islam, Nique la France que pensa que n'i daus problemas quand son mai d'un (qui? los arabes ? nooonnn... los auvernhats de segur...), Nique la France que te demanda de provar que tu ses francés quand tu vòles tornar far ta carta d'identitat, Nique la France qu'expulsa los jòunes estrangiers iregulars lo jorn de lor 18 ans (e tant pieg per lors estudis), Nique la France que coneis pas la diversitat de son pòple, Nique la France en guerra en Afganistan per los interets americans, ... 'Na brava video de la Zone d'Expression Populaire.

NIQUE LA FRANCE (Le clip)
envoyé par zep_zep. - Clip, interview et concert.

Per los que parlen par francés : Nique la France vòu dire Fuck France !

Joan-Peire s'es lançat dins un challenge par l'annada 2010 : lo minjar locau ! Vòle ne'n parlar un pauc perque qu'es mon biais de viure dempuei que sei en Lemosin. Vau vos rendre compte de coma fau mas comissions.

Desjà lo locau, que qu'es quò, per me ? Lo despartament. Enfin dos despartaments : Vinhana-Nauta (la dimenjada) e l'Alier (la setmana).Mos forniseires ? D'en prumier las AMAP : los amics de la Garena a Limòtges e l'AMAP dau Borbonés a Molins. A Limòtges, n'am un productor de legumas, un de pan, un de z-uòus, un de fromatges de chabra. A Molins, n'i a mai de chausas : z-uòus, pan, fromatges, legumas, miau, pan de miau, farina, òli, biera, charn. Per trobar tot quò a Limòtges, n'am 'n'autra estructura : la Coop'Part. Bon... L'ideia de totas quelas estructuras es un pauc quela dau Teikei japonés : metre la chara dau païsan sus tas legumas.

Tot es pas bio mas sovent. Tot es locau e coneisse tots los productors, sei 'nat quasiment chas tots. Coneisse lor biais de trabalhar. Qu'es quò qu'es plan important per me. Emai lo convivialitat, lo liam sociau que n'i a dins quelas estructuras entre productors e consomaires, coma entre consomaires.

De segur, ai dau temps per iò far : ai pas de mainatges, ai pas de television. Mas a l'AMAP n'i a de las familias maitot. Minje quilhs produchs nonmas lo ser e la dimenjada. Vau daus còps au subremerchat mas lo mens sovent possible.

Minjar locau es 'na question d'organizacion, de prioritat. Sei pas capable de dire quantben quò me costa. Mas me'n fote. Coma disiá Joan-Peire, qu'es pas una leiçon sus lo coma v'autres devetz èsser o viure. Qu'es un tesmonhatge. S'avetz de las questions...

Decembre 2019. Un drama en Laponia. Dempuei d'annadas la névia fond. La destruccion dau mitan naturau a menat a la disparicion daus rènes. Los lutins son partits. Lo Pair Nadau ne'n pòt pas mai dins sos vestits tròp chaud. Eu ne'n va morir de tristessa.

Dissabde passat, a Limòtges, era l'enterrament simbolic dau Pair Nadau. Perque a Copenaga, questa setmana, es benleu la darriera chança per los governaments de far quauqua-ren per lo climat.

Coma fòrça monde, serai a Carcassona dissabde que ven (oc-es qu'es deman...).

Char lector, benleu nos l'i veirem ! Per me coneisser qu'es plan simple : parle lemosin, sembla, segon ton passiu culturau a Asterix, José Bové o un tipe dau Village People (subretot emb lo casque de chantier, mas l'aurai pas, trabalhe pas las dimenjadas !!), portarai un brave chamison Arri ! roge jos mon pull.

Serai dins lo cortègi de Gardarem la Tèrra emb la fanfara daus Goulamas'K (e benleu un pauc emb la delegacion lemosina e 'nirai veire los pitits de Libertat). Serai coma la Clara de segur (si 'la part pas coma un daus musicians dau Goulamas'K, lo trompetaire/acordeonista per exemple...).

Me trobarà a la fin de la manifestacion a un taulhier d'un productor occitan a chantar "Anem Òc, per la biera occitana" o a lo de MXL87 (l'ai totjorn pas lo chamison banturle !!). E de ser, espere anar a Villagalhenc (char lector si t'as 'na veitura emb doas plaças voidas e que tòrna a Carcassona aprep la festa a Villagalhenc, vòle plan l'i 'nar coma te !!!)

(per los qu'aniran sus lo site d'Arri !, n'i a 'na fotò d'un tipe en chamison Arri ! roge... qu'es me...)

'Na p'ita ficha facha par un amic... De tot biais, sei pas segur que
lo Jaurés plai aus militants dau FN !!! Son assassin benleu...

Legit sus lo blòg de Melania : Solidaritat emb los escolans de la Valadas occitanas d'Itàlia !!!

La posicion del Govèrn italian sus lhi contenguts de la reforma de l’escòla:

“Degun trucharè las pichotas escòlas de montanha, fòra que aquelas ambe menc de 50 escolars”.

La posicion de Lido Riba, President de L’UNCEM Piemont (Union Comunitats de Montanha dal Piemont):

“Lhi a 41 escòlas de montanha ambe menc de 12 escolars, que serèn destinaas a despareisser!!”

La posicion de Mercede Bresso (Presidènta Region Piemont) e de l’Assessora Regionala a l’istruccion Gianna Pentenero:

“Dins lo periòde brèu las escòlas de montanha serèn resparmiaa, mas après, ambe l’aplicacion del plan operatiu complèt, lhi aurè 180 Comunas piemontesas de montanha que perderen l’escòla maternala o elementara”

Fin finala, l’operacion portaré a la clausura de 220 escòlas de montanha sus las 260 que existon ara.

L’atac de la ministra Gelmini a l’escòla publica e, en particolar, a l’escòla de montanha es ben grèu. En aquest moment dificil per tota l’escòla italiana, mas sobretot per l’escòlas occitanas de las Valadas, chal far auvir nòstra vòutz, , per defendre la cultura e la civiltat alpina.

Lo 30 d’otobre tuchi a Coni a 9 oras dal matin en Plaça Europa ambe cartèls en lenga nòstra, nòstras bandieras e nòstra musica!!

Veiquí lo clip de la chançon "Stereotype" daus Maurescas. Un pauc estatic per un grope de ragga... Mas, las paraulas son de las bonas !!!

Alain Dorange, dalhaire volontari d'OGM, condamnat en 2006 per un dalhatge e perseguit per aver refusat un prelevament d'ADN a la seguda de 'queu jutjament, fuguet condamnat a 'n'esmenda de 50€ per lo tribunau correcionau de Limòtges le 20 de juhn passat. De consent coma son avocat mai son comitat de sosten, decidiguet de pas 'nar en apelada. Pertant, la justicia li pausa un autre rendetz-vos : coma d'autres dalhaires, es persegut per Monsanto per associacion de maufactor.

Sorça : Le Courrier de la Baleine n°155 (de surtir)

La femna qu'aima l'òme avant lo maridatge
Porte atteinte à l'identité nationale

L'òme qu'aima l'òme estrangier
Porte atteinte à l'identité nationale

L'òme que parla la lenga de son pair mai dau pair de son pair
Porte atteinte à l'identité nationale

Blu blanc roge
Nòstras vitas saulhan lo drapeu de l'identité nationale

Mas nòstre drapeu es roge dau sang daus oprimats
Mas nòstre drapeu es negre de nòstras coleras