Ieu maitot !!!!

Non... Vos vòle pas parlar de 'quela emission plan famosa mai interessanta de França Blu Perigòrd. Non... Vos vòle nonmas parlar de nòstres amics dau Sud. Dau Sud dau Nòrd d'Occitània. Los peirigordins. Son daus tipes que fau pas chiar nimai cagar... Son daus tipes qu'aiman lo rock... Son daus tipes que parlan occitan... Ne'n veiqui 'na prueva !

Un còp de mai, lo Guston, dins 'n'aventura plan delicata... Merces Monsur Dugay de Borganuòu !!!

Lo dissabde 26 de genier es lo jorn de la dictada de pertot en Occitània. Ne'n avem dos en Lemosin :

• au collegi de Seilhac (Corresa) a 10h15 (per vos inscriure, telefonar au collegi : 05 55 27 01 60)
  
  
• a Charreç en Charanta lemosina, dins los ranvers de Montbron, a doas oras demia de l'aprep miegjorn a la sala de las festas (inscripcion : 2.50 Eur, entresenhas: terradoc@terradoc.net)

A vòstres estilòs !!!

Veiqui 'n'emission de radio d'escotar absoludament !!!

'N'autra aventura dau Guston !

Per plan començar l'annada, veiqui 'na p'ita nhòrla d'a Borganuòu en Cruesa. 'Na nhòrla dau chamin de fer.

La transcripcion es dau Tiston :

Liunard e Guston abitavan tots dos dins le mesme vilatge, qu’era daus vesins quoi… e travalhavan tots dos a la gara de Sent Disi, au chamin de fer si vos preferatz… E un jorn que le trin reculava, Guston ne le veguet pas, eu passet sos la ròda, eu fut completament esbolhat… Le chef de gara apelet Liunard, eu li disset « Mon vieux, ‘qu’es ton vesin, ‘qu’es a te d’anonçar la trista novela a sa veuva ! », « A, ‘quò m’embestia bien… », eu era bien einuiat, eu sabia pas coma ‘quò anava se passar…

Le veiqui partit, eu podia pas refusar bien sur, eu arrive chez son copain, e la Justina sa femna pelava de las treflas per le marende : « ‘Quò vai Justina ? », « ‘Quò vai, ‘quò vai, e te ? », « ‘Quò vai… », eu sabia pas per quau bocin començar, tu comprenes, vironava sa casqueta entre sos dets, per anonçar ‘na novela coma ‘quò ‘qu’era pas aisat per se… e la Justina continuava a pelar las treflas… E au bot d’un moment quand mesme eu se decidet, e ‘la continuava a pelar sas treflas : « A Justina i ai ‘na bien trista novela a t’anonçar… », « A oc-es ? qu’es-que i’a ? », « E ben ton Liunard, eu es passat sos la ròda dau trin eu s’es fait completament esbolhar… », « Mas bogre d’asne, tu podrias io dire pus tòst, n’auria pas pelat totas ‘quelas treflas !... »

Vos soate 'na bona annada 2008, plan urosa, plan solelhosa, seguda de beucòp d'autras !